Dan Mo Kare se enn perspectiv de linterieur, enn dialogue ar mo mem. Enn reflexion lor mo mem, lor la vi , lor mo deroulman dan la societe ek repons ki mo finn gagne. Dan mo mem ena tou dan tou ena mo mem. Mo suiv mo la limier mo observ mo darkness!
Mo esay get bann zafer kouma li ete. Esaye avek la penn parski to kapav afront enn liniver antie san okenn problem me pou get to konditionnman ek to konpilsivite inkonsian an fass se enn lot dilem.
Monn auto prodir sa EP la dan mo la sam ek inpe partou partou avek mo “ Stidio Mobile” .
Mo finn terminn mo prodiksion, mixaz ek mastering kot Pascal Opera. Mo pa ti kone si sa kalite dimounn la ankor existe, bann ki kass pass apre eki pa kont ler, met tou zot lenerzi pou kre enn zoli zafer. Big Up Miz
Apre ena enn bann artist to pa bizin explik zot preske nanie, kouma dir zot dan to la tet mem! Sa kamarad la, c'est Julie Télot, fason li trouve mechan net. Lerla ansam ar li mo res gete ale mem. Merci Julie pou sa zoli visuel la.
Ena ki zot la kouma enn evidans, tonbe leve zot touzour la pou mwa, suiv mwa dan mo bann delir, soutenir mwa e avek zot to arive konn linportans lamour inkondisionel. Mor ma, mor pa, mo ser ek Laura. Merci pou tou seki zot fer pou mwa.
Mo pa pou kapav ekrir nom tou bann dimounn ki zot ossi zot dan mo leker me zot pou rekonet zot. Nou finn partaz boukou la route ek moman ansam, nou ankor p grandi ansam e pena enn zour ki mo pa remersie liniver pou zot prezans dan mo lavi. Lavantir kontinie mo bann frer ek ser.
San ossi blie tou mo bann fans san ki mo la mizik ti pou zis retourn ar mwa kouma enn leko vid. Avek zot li retourn ar mwa ek zot lenerzi ki donn mwa la fors ek konfians pou kontign kre. Mersi mersi mersi .Nou p zwenn biento lor la route.
Mo pa pou dir twa plis, mo les twa ecoute dan silans, fer to prop konklizion ek mo swe le pli sinser seki ansam nou kre la vi ki nou kontan kouma nou kontan dan la liberte nou prop konsians.
Kan nepli ena mo, ni konsep res zis la vi ek la mizik!
Bonne ecoute
EP download isi